Barcelona President in Messi’an Contract a la sign rih loh chhan a sawi

FC Barcelona president Joan Laporta chuan tuna free agent-a awm mek superstar Lionel Messi’an contract a la sign rih loh chhan a sawi.

Thawhleni (July ni 1) atang khan Argentina superstar Messi hi Free agent in a awm tan a, FC Barcelona-ah hian a awm chhunzawm dawn nge dawn lo tih chungchangah eng inremna mah an la siam rih lo.

La Liga club lian FC Barcelona chuan Camp Nou lamah Lionel Messi hian contract dang a pawhsei ngei an ring. Mahse, Barcelona president Laporta chuan contract a la sign rih loh chhan chu Financial Fair Play rule vang niin a sawi.

“Camp Nou lama ala awm rih hi kan duh a, Leo pawhin a duh, tunah chuan engkim mai hi sulhnu chhui a la ni rih.” tiin FC Barca President Joan Laporta chuan Onda Cero a hrilh.

FC Barcelona president Joan Laporta leh Lionel Messi

“Tunah hian financial fari play issue kan la nei a, tunah chuan kan zavai tana tha tur kan zawng mek.” tiin a sawi bawk.

La Liga president Javier Tebas chuan an player te hlawh ti hniam deuh turin Barcelona hnenah warning alo pe tawh a, Messi contract thar turah hian a hlawh hi a hniam a ngai dawn, hei hi Messi hian a duh kher ang em tih chu zawhna lian tak a ni.

Catalan club lian FC Barcelona hian an player thenkhat Jean Clair Todibo, Matheus Fernandes, Konrad de la Fuenta leh Juan Miranda te chu an chhuahtir dawn tih a chiang tawh a, player dang te pawh an chhuah zel a rinawm a, heti a nih chuan an player hlawh pawh a hniam ve zel dawn a ni.

Source SL

Related Posts

Leave a Reply

Your email address will not be published. Required fields are marked *

error: Content is protected !!