Ballon d’Or dawng thei Player vannei 5

Hriat angin Ballon d’Or hi football-ah mimal chawimawina sang ber pakhat a ni. Calendar year-a player che tha hnenah hlan a ni thin a, mahse, engemaw chang chuan dawng tura rinkai ber hnenah hlan loh chang a awm thin.

Cristiano Ronaldo leh Lionel Messi hian an dawng hnem hle tawh a, Ballon d’Or an sem hnuhnung 12 ah vawi 11 lai an dawng thei a ni.

Kum 1995 thleng kha chuan Ballon d’Or hi European footballer bika che tha te hnenah chauh hlan a ni thin a, mahse, vawiinah chuan khawvel hmun hrang hranga player ten an dawng thei tawh a ni. Voting system a kal tir nimahse, vawiin ni thlenga la dawng ve lo player tha te an la awm nuk.

Tun tumah hian Ballon d’Or dawng thei player vannei 5 te kan rawn tarlang ve leh dawn a ni.

5 Luka Modric (Croatia/Real Madrid) – 2018

Real Madrid CF v Rayo Vallecano de Madrid - La Liga

Kum 2018 khan Luka Modric hi club leh ram tan a che tha ang reng hle. Real Madrid tan UEFA Champions League nomawi a chawi pui a, FIFA World Cup Russia-ah khan Croatia chu final a luh pui bawk. He tournament-ah hian Golden Ball a dawng a, hei vang hian Ballon d’Or a dawng kan ti thei awm e.

Modric hi Real Madrid tan kha season-ah khan a che tha lem lo, Match 43 a khelh atangin goal 2 a khung a, assist vawi 8 a nei. Cristiano Ronaldo nena khaikhin pawhin a che tha lo hle.

Kha season vekah khan Portuguese superstar Cristiano Ronaldo chuan goal 44 a khung mai bakah assist vawi 8 lai a nei tling a, Champions League nomawi an chawi theihnaah pawh Ronaldo hi player pawimawh tak pakhat a ni.

Modric’an Ballon d’Or a dawn tum vekah hian Lionel Messi pawh a che tha hle, Barcelona tan match 54 a khelh atang goal 45 lai khungin assist vawi 18 lai a nei tling a ni. Mahse, World Cup kha an tehna ber pakhat niin a lang, Ballon d’Or dawng thei Modric kha a vannei tak zet.

4 Cristiano Ronaldo (Portugal/Real Madrid) – 2013

Real Madrid CF v Granada CF - La Liga

2012-13 season khan C Ronaldo pawh hi a che tha hle, awlsam takin Ballon d’Or a dawng kan ti thei awm e. Hetihlai hian Bayern Munich star Franck Ribery pawh a che tha hle a, Bavarians tan role pawimawh takah a khel, hemi season hian Bayern Munich chuan nomawi 3 lai an chawi nghe nghe.

2012-13 season khan C Ronaldo chuan Real Madrid tan goal 55 a khung a, assist vawi 13 a nei. Mi tamtak chuan Franck Ribery khan Ballon d’Or a dawn zawk an ring tlat mai.

Ribery hi winger-ah a khel a, 2012-13 season khan Beyern Munich tan all competion-ah match 43 a inlan atangin goal 11 a khung mai bakah assisst vawi 23 lai a nei tling. Bayern Munich tan Bundesliga, UEFA Champions League leh DFB Pokal leh DFB Super Cup an chawi bawk, Ribery hian a phu ve thovin i hria em?

Image

3 Lionel Messi (Argentina/Barcelona) – 2010

FIFA Ballon d

Kum 2010 khan Lionel Messi aiin Andres Iniesta leh Xavi Hernandez khan Ballon d’Or an phu zawk maithei. Spanish player pahnih Inieste leh Xavi hi Spain tan World Cup-ah an che tha hle. Mahse, Messi hnaih ber tu chu Sneijder a ni.

2009-2010 season ah khan Jose Mourinho hnuaiah Sneijder hi a khel a, Inter Milan nomawi 3 lai an chawi.

Inter Milan tan Sneijder hian all competion-ah match 41 a khelh atangin goal 8 a khung a, assist vawi 15 a nei tling. Central midfield atnangin goal 23 lai a khung thei bawk.

2010 FIFA World Cup-ah pawh khan Sneijder hi a che tha hle a, Netherlands tan goal 5 lai a khung.

2 Pavel Nedved (Czech Republic/Juventus) – 2003

Juventus v AC Milan

2003 khan Pavel Nedved chuan Ballon d’Or a dawng a, mahse, hemi kum hian Arsenal legend Thierry Henry chu a che tha hle, Ballon d’Or dawng theilo zingah chuan player tha ber pakhat a ni.

Hemi kum hian Thierry Henry chuan Arsenal tan all competions ah goal 32 a khung mai bakah assist vawi 28 a nei tling. Arsenal tan FA Cup nomawi a chawi bawk.

1 Michael Owen (England/Liverpool) – 2001

Michael Owen

Michael Owen hi 2000-01 season kkhan Liverpool tan a che tha hle, FA Cup, Football League Cup leh UEFA Cup nomawi te a chawi pui. All competion-ah goal 24 a khung.

Hemi season vek hian Real Madrid legend Striker Rual pawh a che tha hle, All competion ah match 50 a inlan atangin goal 33 a khung mai bakah assist vawi 8 lai a nei tling. Mi tamtakin a dawn ring mahse, Michael Owen’an Ballon d’Or a dawng ta zawk a ni.

Source Sportskeeda

Related Posts

Leave a Reply

Your email address will not be published. Required fields are marked *

error: Content is protected !!