Ballon d’Or dawng thei player naupang zual Top 5

Football mimal chawimawihnaah chuan Ballon d’Or hi a sang ber mai awm e. France Football chuan kumtin an sem thin a, Player che tha zual te hnenah hlan a ni thin.

A hma kha chuan Ballon d’Or nominees tur hi Journalist te chauhvin an thlang thin a, mahse, kum 2007 atang khan team captains leh coach te chu votes neih tir ve anni. Kum 2007 atang bawk hian Ballon d’Or chu khawvel pumpui tan alo ni ta a, khawvel hmun hrang hrang atang player ten an dawng thei tihna a nih chu.

Amaerawhchu, He award hi Europe league lian atanga player ten an dawng tam hle, Lionel Messi’an vawi 6 a dawng tawh a, Cristiano Ronaldo’an vawi 5 a dawng ve bawk. Anni pahnih hi Ballon d’Or history-a dawng hnem ber pahnih anni.

Tun tumah hian Ballon d’Or history-a Ballon d’Or dawng thei player naupang zual Top 5 te kan rawn tarlang ve leh dawn a ni.

5 Oleg Blokhin (1975) – 23 years, 55 days

Oleg Blokhin

Ukrainian leh Dynamo Kyiv legend Oleg Blokhin hian kum 1975 khan Franz Beckenbauer leh Johan Cryuff te hnehin Ballon d’Or alo dawng tawh a ni.

Oleg Blokhin hi Soviet Union atanga Ballon d’Or dawng thei pahnihna a ni, kum 1963 ah khan legendary goalkeeper Lev Yashin chuan Ballon d’Or a dawng ve bawk.

Blokhin’an Ballon d’Or a dawn kum khan, Dynamo Kyiv chu Cup Winners Cup nomawi a chawi pui a, UEFA Super Cup Bayern Munich nen an khelh tumin goal 3 lai a khung. Ballon d’Or a dawn lai hian kum 22 leh ni 55 a upa a ni.

4 George Best (1968) – 22 years, 212 days

George Best

Ballon d’Or a dawn lai khan an sem atanga kum 12 vel chauh ala ni. Hemi kum hian Manchester United chu European Cup nomawi a chaw pui, final ah Benfica nen an khel a, 4-1 in hnehna an chang.

Kha tihlai khan kum 22 leh ni 212 a upa chauh ala ni.

3 Lionel Messi (2009) – 22 years 157 days

Lionel Messi won his first Ballon d

Lionel Messi hi Ballon d’Or history a hlawhtling ber a ni. Kum 2019 khan a hnuhnung ber atan Ballon d’Or a dawng a, a vawi 6 dawnna a ni.

2008-09 season ah khan FC Barcelona chuan titles 6 lai an chawi a, Lionel Messi’an ballon d’Or a dawng. KHa tih lai khan kum 22 leh ni 157 a upa chauh ala ni.

2 Michael Owen (2001) – 22 years, 4 days

Michael Owen poses with his 2001 Ballon d

Kum 2001 khan Michael Owen chuan Ballon d’Or a dawng a, mahse, hemi kum hian Liverpool in Premiere League nomawi an chawi lova, FA Cup, League Cup, UEFA Cup leh UEFA Super Cup erawh an chawi.

Ballon d’Or a dawn lai hian kum 22 leh ni 4 chauhva upa a ni.

1 Ronaldo Nazario (1997) – 21 years, 95 days

Ronaldo Nazario became the youngest Ballon d

Ballon d’Or history-ah Ballon d’Or dawng thei naupang ber a ni. Kum 1997 khan kum 21 leh ni 95 a upa chauh ala ni a, Ballon d’Or a dawng.

Source Sportskeeda

Related Posts

Leave a Reply

Your email address will not be published. Required fields are marked *

error: Content is protected !!