Ballon d’Or dawng ngailo Player tha 5

Ballon d’Or hi football-a mimal chawimawina sang ber anga sawi thin a ni. Calendar Year a player che tha hnenah hlan a ni thin.

Kum 12 liamta chhung khan player 3 te chiahin Ballon d’Or an dawng thei a, kum 2018 khan Real Madrid star Luka Modric chuan Messi leh Ronaldo dawn tluan lai a tih tawp sak a nih kha. 2018 FIFA World Cup-ah khan a ram Croatia chu final a luh pui bawk.

Kum 1956 hnulamah player pakhatin Ballon d’Or vawi 3 ai tam an la dawng ngailo, Leo Messi leh C Ronaldo chiah hi Ballon d’Or pathum aitam dawng thei awmchhun anni.

Portugal superstar Cristiano Ronaldo’an Ballon d’Or vawi 5 a dawn tawh laiin Argentina superstar Lionel Messi chuan 6 a dawng tawh.

Engpawhnise, tun tumah hian player tha tia kan hriat thenkhatte Ballon d’Or dawng ngailo player 5 te kan rawn tarlang ve leh dawn a ni.

5 Ference Puskas

Ference Puskas hi hranghlui superstar a ni. A hunlai kha chuan khawvel footballer tha ber pakhat anga sawi thin a ni.

Hungarian player niin goal khung lamah a duailo hle.

Real Madrid a pan hma khan Hungary club Budapest Honved tan a khel a, Real Madrid a pan hnuah, European championship vawi 3 lai a chawi a, National team tan pawh nomawi a chawi nual.

Ballon d’Or award an sem hmasak ber kumah khan Puskas hi kum 29 a upa ani tawh. A hnu kum 1960 khan goal tamtak khung mahse, Ballon d’Or ah pathumna chiah a hauh pha tawk a ni.

4 Paolo Maldini

Paolo Maldini hi a hunlai kha chuan khawvel defender tha ber anga sawi a ni.

Maldini hi one club man an tih ang chi kha a ni. Season 25 chhung teh meuh mai Milan-ah hun a hmanga, Trophies 25 lai a chawi hman a, tah hian European nomawi 5 leh Serie A nomawi 7 pawh a tel.

Milan in kum 1994 a UEFA Champions League nomawi, Serie A nomawi, Suppercoppa Italiana leh UEFA Super Cup nomawi an chawi tumah khan Ballin d’Or top 3 ah a lang, a chungah Hristo Stoichkov leh Roberto Baggio an awm a ni.

Kum 2003 Ballon d’Or ah pawh khan pathumna bawk hauh lehin a chungah Thierry Henry leh Pavel Neved te an awm leh. Mahse, a career tawp thlengin Ballon d’Or award pakhat pawh a dawng lo.

3 Thierry Henry

Ballon d’Or dawn phu mahse, dawng ngailo pakhat chu Thierry Henry hi a ni. A hunlai kha chuan a tha takzet, vawiin ni thlengin Arsenal tana goal khung hnem ber ani mek.

Kum 1999 ah khan Arsenal a zawm a, hemi hnu hian Premiere League forward tha ber pakhatah a inchhuah.

Arsenal tan all competion ah match 320 a khelah atangin goal 226 lai a khung. Arsenal a awm chhung hian trophies paruk a chawi puia, tah hian Premiere League nomawi pahnih a tel.

Kum 2003 leh 2006 khan Ballon d’Or a dawng teuh hle Top 3 ah a lang ve ve. Mahse, a career tawp thlengin Ballon d’Or award a dawng ngailo.

2. Andres Iniesta

Andres Iniesta pawh hi Ballon d’Or dawng ngailoah chuan player ropui ber pakhat a ni.

Barcelona lama hun a hman chhungin trophies 30 lai a chawipui hman a, tah hian La Liga nomawi 9 leh UEFA Champions League nomawi 4 a tel a ni.

1 Xavi

Barcelona ah season 17 chhung teh meuh hun a hmang a, trophies pawh 25 lai a chawi. FC Barcelona tan all competion ah match 767 lai a inlan a, Barcelona tana inlan tam ber ani mek.

Source Sportkeeda

Related Posts

Leave a Reply

Your email address will not be published. Required fields are marked *

error: Content is protected !!