‘Ballon d’Or a phu ber mai’ tiin Jamie Carragher’an 2021 Ballon d’Or award dawgtu tura a duh a sawi

Liverpool defender hlui Jamie Carragher chuan Bayern Munich ace Robert Lewandowski chu 2021 Ballon d’Or award dawngtu tura a duh leh phu ber a tih thu a sawi.

Kan hriat angin Lewandowski hi goal khung lamah a bon hle, nikum kum tir atang phat khan all competion ah goal thahnem tak a khung a, 2019-20 season khan Bayern Munich chu a vawi 2 na atan an treble a, player pawimawh tak pakhat a ni nge nge.

2020 Ballon d’Or kha a phu ber a, mahse Covid 19 hrileng avangin cancel a ni. Cancel lo se chuan a dawng ngei ang.

Kumin Ballon d’Or zet zawng dawng tur ber rinlawk a harsa hle a, contender-a awm te hi dawn phu vek anni. Carragher chuan Robert Lewandowski hian 2021 Ballon d’Or a phu ber tiin a sawi a, mahse, Copa America 2021 nomawi chawitu Lionel Messi erawh a vote loh tur thu a sawi.

Carragher’an CBS SPORT a hrilh dan chuan. ‘Robert Lewandowski hian a dawn ngei ka ring. Kum hmasa lamah a chan tawh a ni. Mahse, Thierry ngaihdan kha ka pawmpui tho mai, tournament awm chhan ber trophy hi a ni, Jorginho pawh hian a phu ve tho mai, Italy a champion pui.’ Tiin a hrilh.

‘Lionel Messi pawhin Argentina chu nomawi a chawipui ve thova, Lewandowski hi ka thlang ang. Mahse, Lionel Messi hian a dawng thut thei bawk, a chhan chu a tawpah Argentina chu nomawi a chawipui tih hi mipui thinlungah a awm ve reng.’ Tiin a sawi bawk.

Robert Lewandowski leh Lionel Messi hi 2021 Ballon d’Or dawng tura mite rin tam ber anni mek. Karlehah khian a chiang ang.

2020-21 season khan Lewandowski hi a che tha ang reng a, Match 40 a inlan atang goal 48 lai mai a khung a ni. Bundesliga bikah goal 41 lai a khung a nih kha. Hemi season vek hian Bundesliga nomawi mai bakah, DFL Supercup, UEFA Super Cup leh FIFA Club World Cup an chawi a ni.

Lionel Messi pawhin a vawisarihna atan Ballon d’Or a dawng lovang tih a sawi theih loh. Season liamtaah khan FC Barcelona chu nomawi a chawi pui lova, mahse, a ram Argentina chu a vawikhatna atan Copa America nomawi a chawi pui a nih kha, goal 4 a khung mai bakah assist vawi 5 lai a nei tling.

Source SK

Related Posts

Leave a Reply

Your email address will not be published. Required fields are marked *

error: Content is protected !!