Aubameyang-Tottenham ka zawm teuh hle

Arsenal striker Pierre-Emerick Aubameyang chuang kum tlemte liamtaah khan North London elpui ber Tottenham Hotspur a zawm teuh hle niin a sawi.

Gabonese foward Aubameyang chuan Ligue 1 club Saint-Etienne tana a khelh lai khan Premiere League club thenkhatten an duh ve hle niin a sawi tel bawk.

Mahse, Lilywhites lam hian an duhna te an ti lang vak lo niin a sawi. Tun hnai lawk khan Sky Sport chuan Football i chawlhsan dawn nge Spurs i zawm dawn? tiin zawhna an zat a, ani chuan, “Hetiang zawhna inzawh hi a ngai lem lo, a chhanna chu hriat sa, ka retire ang.” tiin a chhang let a ni.

“A chhan tak tak pawh ka hre chuang lova, in hre maithei zawk, mahse, kum tlemte liamtaah khan Tottenham Hotspur tan ka sign teuh hle, a tawpa an thil tih erawh ka hre chiang lo, chiang takin retire hi ka thlang zawk ang.” tiin a sawi bawk.

“St Etienne lama ka khelh lai a ni a, kha tih lai khan thil chiang tak ka hre lova, Borussia Dortmund tan bul ka tan dawn tih pawh ka hre lo, thil chiang tak ka hre tawh lo a ni.”

“Helai hmunah hian ka lo kal a, White Hart Lane stadium-ah ka lo kal a, a hmun pawh a tha hle. A naktuk atangin eng chhanna mah ka hmu tawh lo, min call back tawh ngai lo, Tottenham kan tum hrim hrim hian ka phurin ka tang thei hle.” tiin Aubameyang chuan Tottenham chunga a lungawi lohna chungchang a sawi.

Source SL

Related Posts

Leave a Reply

Your email address will not be published. Required fields are marked *

error: Content is protected !!