Asian history-a Player man to top 5 te

Asia football-ah chuan Japan leh South Korea hi an hlawhtling ber mai awm e, 2002 FIFA World Cup pawh an ramah khelh ani nghe nghe. Mahse, tunah hian Asia pawh football lamah hma a sawn ve zel.

South Korea hian World Cup semi final an khel tawh a, an ram player thenkhatte phei chu European football lamah pawh an duai lo hle. Europe club tha hrang hrangah an khel kual ve nuk mai.

Japan, South Korea, Saudi Arabia, Iran leh Australia te hi Asian Football-ah chuan team tha ber anni a. Kum 10 liamta chhung khan Qatar, India leh China PR te pawhin hma an rawn sawn chho viau.

Tun dinhmunah rih chuan Asian football standard hi la hniam rih deuh mahse, tun atanga kum rei vak lovah chuan a standard pawh a rawn sang chho zel tura ngaih a ni.

Asian player te hi Europe lamah an langsar lo hle a, mahse, Park Ji Sung, Hidetoshi Nakata, Ali Daei leh Tottenham Hotspur star Son Heung Min te erawh khawvel hriat player anni ve tlat mai.

Tun tumah hian Asian history-a player man to zual top 5 te kan rawn tarlang ve leh dawn a ni.

5 Shinji Kagawa – €13m (Kum 2012 ah Borussia Dortmund atang Manchester United a zawm khan a man chu €13 million a ni)

Shinji Kagawa spent two seasons at Manchester United

Shinji Kagawa hi Japan club Cerezo Osaka tan a che tha hle, hemi hnu rei vak lo, kum 2010 khan Borussia Dortmund chuan an la lut a. Jurgen Klopp hnuaiah a che tha ang reng hle. Europe club tha thenkhatten an club lama khel turin an duh luai luai.

Amah duhtu zingah Manchester United pawh tel vein, kum 2012 khan €13 million lai maiin an la lut. Mahse, Japan international hi Old Trafford lamah beisei a pha lo hle, Premiere League lamah kum 2 chhung hun a hman hnuin Dormund lamah a kir leh a ni.

4 Alireza Jahanbakhsh – €19 million (Kum 2018 khan Alkmaar atang Brighton and Hove Albion a zawm)

Alireza Jahanbakhsh has failed to impress at Brighton

Alireza Jahanbakhsh hi Iranian club Damash Tehran atang a career bul a tan chhova, midfielder-ah khelin hma a sawn chak hle. An ram Iran tan khel tura koh ani bawk a, AZ Alkmaar-ah hlawhtling takin season a hmang.

AZ Alkmaar lama a chet that viau hnuin, Brighton and Hove Albion chuan an player man to ber ni turin kum 2018 khan €19 million laiin an la lut a ni.

Kum 27 a upa Alireza Jahanbakhsh hi Brighton-ah season 3 chhung teh meuh mai hun a hmang hman a, mahse, hliam neuh neuhin a ti buai ve deuh reng. Brighton tan Premiere League games 50 a inlan thei a, goal 2 khungin Chelsea lakah bicycle kick goal mawi tak a khung bawk.

3 Hidetoshi Nakata – €28.4m (AS Roma to Parma, 2001)

Hidetoshi Nakata hi Asian footballer-a hlawhtling hmasa ber pawl anga sawi thin a ni a, Europe football a che chhuak hmasa ber anga sawi a ni bawk.

Serie A lamah a khel tam hle a, kum 2001 khan Parma chuan AS Roma atangin an la lut, kha tihlaia a man chu €28.4 million lai a tling a ni.

Kha seasonah khan Parma chuan player tha an la lut nual a, Adriano, Gianluigi Buffon, Lilian Thuram leh Herman Crespo te an la lut ve bawk.

Parma in AS Roma atanga Hidetoshi an lak luh lai hian Asian Player man to ber a ni a, kum 15 chhung teh meuh mai chu Asian player man to ber nihna record a nei. Perugia atang AS Roma hi €21.69 million laiin a zawm ve a ni.

2 Son Heung-min – €30m (Bayer Leverkusen to Tottenham, 2015)

Son is an important player for Tottenham

Son Heung Min hi hmuh theih china Asian player tha ber pakhat anga sawi a ni, a khawvel huapah pawh player tha ber pakhat a ni,

South Korean international hi Bayer Leverkusen lama a khelh laiin a che tha hle, kum 2015 khan English club Tottenham Hotspur chuan an la lut a. Kha tihlai khan Spurs chuan Leverkusen chu €30 million lai an pe a ni,

Tunah chuan Tottenham player pawimawh ber pakhat a ni tawh.

Tottenham tan all competion ah games 280 a khelh tawh atangin goals 107 a khung a, assist vawi 64 lai a nei tling a ni.

1 Shoya Nakajima – €35m (Portimonense to Al Duhail, 2017)

Shoya Nakajima in action for Porto

Kum 2017 khan Qatari club Al Duhai chuan Portimonense atang Shoya Nakajima chu €35 million laiin an la lut a, Asian football history-a player man to ber a ni mek. FC Porto ah te pawh a khel kual ve tawh.

Source SK

Related Posts

Leave a Reply

Your email address will not be published. Required fields are marked *

error: Content is protected !!