Arsenal in Odegaard thlaktu tur an hmu?

Arsenal chuan Real Madrid atang loan a an lak Martin Odegaard thlaktu tur an identify niin report in an tarlang. Odegaard hi Real Madrid lamah a kir leh tawh a ni.

Odegaard hi 2020/21 season khan a che tha hle a, hei vang hian Gunners manager Mikel Arteta chuan a nghet a lak a duh a rinawm.

Daily Mirror in an tarlan dan chuan Norwegian rawlthar hi Los Blancos lamah a kir leh tawh niin an tarlang a, hei vang hian London club Arsenal chuan Leicester City midfielder James Maddison chu amah thlaktu tur atan an identify niin an tarlang bawk.

English journalist Chris Wheatley pawhin Gunners lamin kum 24 a upa Maddison hi an ngaihven niin a sawi a, Maddison hi Leicester City tan a chet that em avangin Manchester United lam pawhin an duh.

Mikel Arteta hi Maddison fan a ni a, transfer window-ah hian lak luh a duh hle, mahse, a man tur chungchangah issue a awm a ring niin Chris Wheatley chuan a sawi.

Chelsea lam pawhin Ziyech an chan a nih chuan, Maddion hi lak luh an duh ve bawk.

Kum 24 a upa James Maddison hi England 2020 UEFA European Championship khel tur squad-ah telh a ni lova, 2020/21 season khelh zawh takah khan Foxes tan all competion-ah match 42 a inlan a, goal 11 a khung mai bakah assist vawi 10 a nei tling. Arsenal midfielder zawng zawng aiin a ti tha zawk tihna a nih chu.

Source Sl

Related Posts

Leave a Reply

Your email address will not be published. Required fields are marked *

error: Content is protected !!