Arsenal in an first team player 11 lai hralhchhuah an tum. Mahse, duhtu an vang

Mikel Arteta team chuan pre-season friendly match hmasa berah Hibernian an hmachhawn dawn a. Squad player 30 te nen Scotland lamah an zin ang.

Kan hriat angin Season thar lo awm turah Arsenal chuan European Football an khel thei dawn lova, hei vang hian Arsenal boss Mikel Arteta chuan a squad thenkhata player te thlaka tum ruh hle.

A first team player 11 lai maite chu duhtu an awm chuan hralh chhuah vek a tum a, mahse tun thlengin heng a player te hnen atangin offer ala hmu thei rih lo.

William Saliba chuan vawiin hian Marseile a zawm dawn a, season khat chhung loan in a khel ang. A awmzia takah chuan £27 million man hi Arsenal tan gam khat pawh ala khel lo a ni.

Matteo Guendouzi pawhin Marseile hi loan in a zawm ve bawk a, nakum summer ah £10 million in lak nghet an tum niin an tarlang.

Mahse, Arsenal hralh chhuah tur zingah hian Hector Bellerin, Granit Xhaka, Bernd Leno, Williab, Sead Kolasinac, Joe Willock, Ainsley Maithland-Niles, Lucas Torreira, Eddie Nketiah, Reiss Nelson leh Cedric Soares te an awm mek.

Arsenal hian Granit Xhaka leh Joe Willock hnen atang chauhin offer hmuh an inring a, midang ho erawh offer an la hmu thei rih lo.

Arsenal hi Season thara chuan hma an sawn ngei a rinawm.

Related Posts

Leave a Reply

Your email address will not be published. Required fields are marked *

error: Content is protected !!