Arsenal hian Mikel Arteta ai tha manager an mamawh

Gunners fan leh Tottenham hotspur star hlui Darren Bent chuan a naupan laia a club Arsenel hian Zinedine Zidane, Mauricio Pochettino leh Antonio Conte te atang hian pakhat tal la lut se tih a duh.

“Manager tha kan la lut a nih chuan, kan tha sawt ang” tiin Darren Bent chuan Nortd London club chungchang talkSPORT a hrilh.

“Zidane hi la lut ta se an tha thei ang em tih chu ka chiang lo, a chhan chu players tha tak tak hmangin UEFA Champions League nomawi 3 a chawi.”

“Pochettino hi chu Arsenal lamah a luh a ringlo bur, a chhan Spurs nen an inzawmna a that tawh avangin.”

“Conte hi lak theih tura rinkai a ni, ka ngaihtuah pui lem lo, top manager a ni a, Arsenal hi a that pui viau ka ring.”

“England-ah Chelsea chu League nomawi a chawi pui a, Italy lamah kir lehin Inter Milan chu league nomawi a chawi pui leh.

“Arsenal-ah hian lo lut ta se, eng tiang chiahin nge an that pui ang?” tiin Darren chuan a sawi bawk.

Kan hriat angin Antonio Conte leh Zidane hian an enkawl mek club Inter Milan leh Real Madrid an chhuahsan tawh a, Pochettino pawh Spurs lamah a kir leh a rinawm bawk.

Arsenal boss ni mek Mikel Arteta dinhmun hi a chiang lo hle, kum 26 chhungin a vawikhatna atan Europe inelna lian an khel thei dawnlo a ni.

Arsenal hian coach tha deuh hlek an mamawh hle niin a lang.

Source SL

Related Posts

Leave a Reply

Your email address will not be published. Required fields are marked *

error: Content is protected !!