Arsenal an tlawm hnu lawkah Mesut Ozil pawhin Twitter lamah a tweet ve nghal

Arsenal star hlui Mesut Ozil chuan Mikel Arteta hi a nuih sawh deuh tawh niin a lang, Manchester City laka an tlawm hnu khan Ozil chuan Twitter lamah a tweet ve nghal.

Kan hriat angin Arsenal hian season bul an tan chhe hle a, a zawnin Premiere League-ah vawi 3 lai mai an tlawm tawh a ni, Manchester City lakah phei chuan 5-0 lai maiin an tlawm nghe nghe.

Manchester City an hmachhawn tum khan Granit Xhaka’an First half ah red card a hmu a, Premiere League history bikah bul an tan chhiat ber tum a ni.

Kum hmasa lamah Mesut Ozil hian Arsenal a chhuahsan a, Twitter lamah ‘Trust the process’ tiin Arsenal an tlawm hnu khan a tweet ve nghal a ni.

The Mirror in an tarlan dan chuan Arteta hian Gunners chu a hnuaiah hma a sawn viau a ring a, mahse, hmasawn lam aiin hniam lam an pan niin an tarlang.

Kum 2020 khan Arteta leh Ozil karah thil fello a awm a, hei vang hian Ozil chuan Turkish club Fenerbahce a pan ta a ni.

Source SL

Related Posts

Leave a Reply

Your email address will not be published. Required fields are marked *

error: Content is protected !!