Argentina in Copa Semi final an luh, Messi’an C Ronaldo a khum

Argentina 3-0 Ecuador

Tukin zing Copa America match khelhah Argentina chuan 3-0 in Ecuador an hneh a, semi final an lut a ni.

Argentina coach Lionel Scaloni chuan a squad a thlak danglam hret a, Rodrigo de Paul, Leandro Paredes leh Giovani Lo Celso te hi a start tir. Player dang 4 pawh a thlak zingah hian an tel a, a thlak fuh viau niin a lang.

De Paul chuan first half break hma minute 40 ah goal khatna a khung a, Ecuador ho hian goal khung tum ve viau mahse, he game-ah hian goal khat mah an khung thei bik lo a ni.

Huntawp lam minute 84 na velah Lautaro Martinez chuan goal a khung a, huntawp dawn tep minute 90 hnu lamah Ecuador player Piero Hincapie chuan Angel di Maria ti tluin Argentina lamin free kick an hlawhchhuak. Lionel Messi chuan free kick petin goal ah a chan tir a ni.

Ti hian Lionel Messi chuan a career-ah free kick goal 58 lai a nei tling tawh a, Cristiano Ronaldo record vawi 57 chu a khum.

Argentina hian semi final-ah Combia an hmachhawn anga, Brazil lam pawhin Peru an hmachhawn ve bawk ang.

Uruguay 0-0 Colombia

Uruguay leh Colombia pawh inhmachhawnin inkhelh hun pangaiah 0-0 in an indraw a, extra time-ah pawh goal a la luh theih loh avangin penalty an pet a, Colombia lamin hnehna an chang.

Uruguay hian attack-ah Edinson Cavani leh Luis Suarez an nei a, Hetihlai hian Colombian lam pawhin Duvan Zapata leh Lucas Muriel an start tir ve bawk.

Colombian lam hian 4-2 in penalty shoot out ah an hneh a ni. Uruguay lam atangin Jose Gimenez leh Matias Vina ten goal an pet goal lo.

Source SL

Related Posts

Leave a Reply

Your email address will not be published. Required fields are marked *

error: Content is protected !!