An champion hnu khan Azpilicuete’an Chelsea neitu Roman Abramovich hnenah eng thu nge a sawi?

Chelsea an champion hnu lawk khan Chelsea captain leh Chelsea neitupa Roman Abramovich te an inbia.

Chelsea in Manchester City 1-0 a an hneh khan Azpilicueta chu Chelsea tan a captain a nih kha. Russian billionaire leh club neitu ni bawk Roman Abramovich chuan huntawp rual khan a player te bulah kalin a zu lawm ve a, Spanish defender leh club captain ni bawk Azpilicueta nen an inpawm vawng vawng.

Azpilicueta chuan, “Khawiah nge trophy hi a awm ka hre lo, mahse, i hnenah ka rawn keng ang, a chhan chu hei hi i tan liau liau a ni e” tiin Chelsea neitupa Roman Abramovich a hrilh. A hnuah Abramovich chuan nomawi chu a keng ve ngei a, thla te pawh an lak pui hial a nih kha.

Azpilicueta hi kum 2012 atang khan Stamford Bridge-ah a awm tawh a, UEFA Champions League nomawi vawi khat a chawi hnuin, season tharah pawh chawi leh ngei a duh thu a sawi.

“Chelsea club angah i khel a nih chuan, englai pawhin hmalam hun ngaihtuah reng ang che.” tiin a sawi.

“Kan zo a, kan hlim tlang hlawm hle, kan celebrate a, kum 9 hnuah a vawi 2 nan Europe champion kan ni.”

“Mahse, football chu hetiang reng hi a ni, Euro khel tur ten kan hma lawkah chona thar an hmachhawn leh dawn, a hnuah Premiere League-ah kan kir leh ang. Premiere League tawp khar kan duhnaah kan khar thei lova, engkim hi kan bei zel ang.”

“Chelsea-ah hian game kan khelh apiang hian thil thar ka thiam belh zel, trophy zawng zawng lak tumin kan bei ang, a hma zawnga ka chawi theih loh kha ka chawi thei dawn a ni.”

“Ni tlemte chu kan celebrate anga, Euro khel tur neilo tan chuan summer holiday kan hmang nghal thei dawn a ni.”

“Tunah chuan kan kal pel leh tawh a, Chelsea history-ah part pakhat kan ni ta, chona thar dang hmachhawn turin kan inbuatsaih a ngai leh ang.” tiin Cesar Azpilicueta chuan a sawi bawk.

Source Sportsbible

Related Posts

Leave a Reply

Your email address will not be published. Required fields are marked *

error: Content is protected !!