21st Century a Goalkeeper Cleansheet nei tam Top 5 te

Football goalkeeper te hi media lamah player dang ang lo takin an lar lo hle, mahse, mi thenkhatte chuan goalkeeper aia pawimawh dang squad ah hian an awm lo niin an sawi ve thung. Football history-ah hian goalkeeper tha tak tak an awm nual tawh a, goalkeeper tamtak te chu superstar-ah te an inchhuah chho a ni.

Tun tumah hian 21st century-a goalkeeper clean sheets nei tam zual top 5 te kan rawn tarlang ve leh dawn a ni.

5. Manuel Neuer – 335 clean sheets

FBL-FIFA-BALLONDOR-AWARD

IFFHS chuan 2011 atanga 2020 thleng khan goalkeeper tha berah an thlang, Manuel Neuer hi vawiini thlengin khawvel goalkeeper tha ber pakhat ala ni reng.

Kum 35 a upa Manuel Neuer hi Bayern Munich leh Germany tan legend a ni a, Bundesliga nomawi vawi 9 lai a chawi tawh a, Champions League nomawi 2 leh 2014 FIFA World Cup nomawi a chawi tawh bawk.

4. Pepe Reina – 354 clean sheets

Pepe Reina

Pep Reina’an Football lama career a hman chhung khan club dang dan tan a khel kual ve tawh, mahse, Liverpool tana a khelh khan hriat a hlawh hle. A tha tak zet, a zawnin Premiere Leageu Golden Glove vawi 3 lai a dawng thei a ni.

Bayern Munich tana a khelh lai khan League nomawi vawi khat a chawi a, Spain in European Championship leh 2010 FIFA World Cup nomawi an chawi tumah pawh khan a tel ve a ni.

3. Petr Cech – 365 clean sheets

Petr Cech

Premiere League history a goalkeeper tha ber pakhat anga sawi a ni thin, Petr Cech hi Premiere League history goalkeeper cleansheet nei tam ber record neitu ani mek. Tunah hian PL cleansheet vawi 202 lai a nei tling a, GOlden Glove vawi 4 lai a dawng tawh bawk.

Kum 39 a upa Petr Cech hi Czech Republic history-a khel tam ber a ni bawk. Chelsea tana a khelh thin lai khan League nomawi 4, FA Cup 4 leh Champions League nomawi vawi 1 a chawi pui thei, Arsenal lama a insawn hnu pawhin FA Cup nomawi a chawi leh hram.

2. Iker Casillas – 365 clean sheets

Iker Casillas

Tuna a lan danah chuan 21st century a goalkeeper tha ber pahnihna a ni, Iker Casillas hi Spain leh Real Madrid legend a ni, Football khawvela nomawi chawi theih zawng zawng a chawi kim deuh vek tawh.

Kum 40 a upa Iker Casilas hi Madrid lamah kum 20 chhung teh meuh mai hun a hmanga, league nomawi 5, CHampions Leageu nomawi 3 a chawi pui a ni, Spain tan European Championship nomawi leh 2010 FIFA World CUp nomawi a chawi pui bawk.

1. Gianluigi Buffon – 409 clean sheets

Gianluigi Buffon

Football history a goalkeeper tha ber pakhat anga sawi thin a ni. Kum 43 a upa a nih tawh hnu pawhin Gianluigi Buffon hian tha takin ala khel thei rih.

Buffon hi football khawvela trophy chawi tam ber pakhat a ni, Juventus tan Serie A nomawi vawi 10 lai a chawi tawh a, Italy chu 2006 FIFA World Cup nomawi a chawi pui bawk.

UEFA CHampions League erawh ala chawi rih lo a, chawi theihna chance a nei tlem tawh hle.

Source 90Min

Related Posts

Leave a Reply

Your email address will not be published. Required fields are marked *

error: Content is protected !!