21st Century-a Denfender tha rankings Top 5

Tunlai football khawvelah chuan defender te hian fak an hlawh nasa tawh hle. A tlangpuiin a hma kha chuan football ah attackers te hi an lar hmain, faktu pawh an nghah tlang pui.

Kum 2006 khan Italy defender Fabio Cannavaro chuan Ballon d’Or a dawng ta nawlh mai, mi zawng zawng a barakhaih. Hemi hnuah Ronaldo leh Messi chuan Ballon d’Or 13 atang 11 lai mai an lo dawng ve bawk. Kum 2019 khan kum 10 chuang a liam hnuah Ballon d’Or top 3 ah Virgil van Dijk a rawn lang leh hlawl, Lionel Messi dawt chiahah awmin pahnihna ani nghe nghe.

Engpawhnise, tun tumah hian 21st Century-a defender tha zual Rankings top 5 te kan rawn tarlang ve leh e

5. Rio Ferdinand – Manchester United, England

Manchester United v Fulham - Premier League

English football history-a defender tha ber pakhat a ni, Rio Ferdinand hian 21st Century-a defender tha zual ranking-ah 5 na dinhmun a hauh.

Manchester United lama a khelh chhung khan theihna a nei sang hle a, hei mai a ni lo, fans ten an ngaisangin, field chhungah pawh leadership nei tha tak a ni. Manchester United history-ah pawh defender tha ber pakhat anga sawi a ni.

Manchester United-a hun a hman chhung khan Premiere League nomawi 6 lai mai a chawi pui a, League Cups 2 leh UEFA Champions League nomawi 1 chawi pui bawk.

4. John Terry – Chelsea, England

Chelsea v Sunderland - Premier League

John Terry hi Chelsea history-a player tha ber pakhat anga sawi thin a ni.

Chelsea youth system atanga rawn kai chho zel a ni a, kum 2000 khan Chelsea senior team tan a game hmasa ber a khel. Jose Mourinho’an club a enkawl tan tirh thleng khan a che tha chho zel a, Chelsea player ropui ber pakhat a ni.

Jose Mourinho hnuaiah Terry chuan Chelsea nomawi a chawi pui nghal a. 2004-05 season a Premiere League nomawi an chawi tum khan John Terry hi a captain nghe nghe. Kha season-ah khan goal 15 chiah an chhuah.

3. Philipp Lahm – Bayern Munich, Germany

Borussia Dortmund v FC Bayern Muenchen - UEFA Champions League Final

Philipp Lahm hi German football history-ah defenders tha ber pakhat a ni.

Ani pawh hi Bayern Munich youth team atanga rawn kai chho zel a ni, Lahm hi defender tur atan chuan a te mah mah tia sawi thin ni mahse, a that zia a pholang zing hle, club leh ram tana a trophy chawi pawh a tam ngei mai.

Bayern tan a khelh laiin, regular player a ni a, Bundesliga nomawi 8 lai mai a chawi pui mai bakah DFB Pokal trophies leh UEFA Champions League a chawi pui bawk.

2. Gerard Pique – Barcelona, Spain

FC Barcelona v Olympique Lyonnais - UEFA Champions League Round of 16: Second Leg

Gerard Pique hi FC Barcelona leh Spanish national team tan kum tamtak regular takin alo khel thin tawh a ni.

La Masia original a nia, Kum 2008 a Barcelona lama a kir leh hma khan Season 4 lai mai Manchester United lamah alo khel ve thin tawh a ni. Pep Guardiola hnuaiah khawvel defender tha ber pakhat a ni a, a generation ro roah pawh defender tha ber pakhat a ni.

Player sang tak a ni a, a tangkai thei hle.

Barcelona-ah hian kum 13 chhung teh meuh mai hun a hmang ve tawh a, La Liga nomawi 8 a chawi tawh mai bakah Copa del Rey nomawi 7 leh UEFA Champions League nomawi 3 lai mai a chawi pui tawh bawk.

1. Sergio Ramos – Real Madrid, Spain

Spain v Sweden - UEFA Euro 2020 Qualifier

Real Madrid leh Spain tan player pawimawh tak mai a nia, Sergio Ramos hi 21st Century-a defender tha ber a n.

Kum 2005 khan Real Madrid chuan Sevilla atang Sergio Ramos hi an la lut, an lak luh atang kum 16 chhung teh meuh mai Los Blancos-ah hian hun a hmang a, nomawi pawh a chawi pui tam tawh hle. Football history-a defender tha ber pakhat a ni.

Real Madrid lama a khelh chhung hian La LIga nomawi 5, Copa del Rey 2 a chawi pui tawh a, Supercopa trophies 4 a chawi pui mai bakah UEFA Champions League nomawi 4 lai a chawi pui bawk.

Real Madrid lama a contract neih a hman zawh hnuin, PSG chuan July thla tir khan an club lamah an la lut.

Source SK

Related Posts

Leave a Reply

Your email address will not be published. Required fields are marked *

error: Content is protected !!