2020 Euro Picture Quizz chhang leh ang aw

Euro 2020 an khelh tawh chinah Huapzau chuan a vawikhatna atan Picture Quiz a buatsaih leh a, inlo chhang leh theuh dawn nia.

Match lian thenkhatah Picture Quizz hi buatsaih zel kan tum tawh ang. Tun tumah erawh thlalak tlemte chauh kan rawn chhawp chhuak rih e. A hnuaia thu post hi thai thla zel la Quizz chhanna tur alo awm ang.

Post (C Ronaldo hnenah a jersey ka dil a, mahse, min pe duh lo – Gosens)

Nizan 2020 Euro match Portugal leh Germany khelh takah khan Atalanta star Robin Gosens chu ‘Star of the Match’ atan thlan a ni. Gosens hi a che tha tak zet a, goal a khung mai bakah assist vawi 2 a nei a ni.

Image

Allianz Arena-ah goal 6 lai a lut a, game an khelh zawh hnu khan kum 26 a upa chungchang hi mi zawng zawngin an sawi ti ila kan sawi sual awm lo ve. A chet that em em chhan pawh Portugal thiampuipa C Ronaldo’an a hmain alo tih zah tawh vang ni theiin a lang.

Serie A match khelahah Gosens chuan Ronaldo a hmachhawn a, Juventus superstar Cristiano Ronaldo hnenah hian jersey inthleng pui a dil ve ngei. Mahse, Ballon d’Or vawi 5 dawng tawhtu Cristiano Ronaldo hi a mood-ah a cheng vak lo a niang, a jersey pek chu a phal tlat lo. Gosens chuan a zah thu leh a inhmu te ngawih ngawih niin sawi.

Image

“Juventus nen kan inhmachhawn zawh hnuin, ka dreamah thil pakhat tih hlawhtlin ka duh a, chu chu Ronaldo jersey neih hi a ni.” tiin Gosens chuan a sawi niin Goal in an tarlang.

“Final whistle a rik rual khan amah lam panin ka kal a, jersey thleng puiah ka sawm, mahse, min pawmpui lo.”

“Cristiano Ronaldo i kawr hi ka nei thei ang em? tiin ka zawt a, en pawh min en lo, ai tiin min chhang. Kha tih lai khan ka zak em em em a, ka kal bo nghal a, ka te ngawih ngawihin ka in hria.”

“Tunah chuan thil duhawm tak a thlen avangin tu emaw a rawn che chhuak a, sawi lan pawh ka duh loh kha ka sawi lang ta a ni. A chhan chu a zahthlak em avang khan ka sawi chhuak duh ngailo” tiin Gosens chuan C Ronaldo chungchang a sawi.

Mahse, vanneih thlak takin nizan inkhelh zawh khan dressing room ah Atalanta lama a teammate Hans Hateboer chuan Ronaldo jersey (Juventus jersey ngei) chu a present ta a ni.

Nizan inkhelh zawhah khan i dil leh em tiin an zawt a, Gosens chuan ti hian a chhang.

“A kawr ka dil tawh lo, hnehna kan chan avangin ka hlim hle” tiin Gosens chuan Sky Sport Italia post match-ah a sawi.

 

Source SB

THLALAK QUIZZ CHHANNA TUR

https://quizzory.in/id/60d0a75ac86db42debb8f74d

Thanks

Related Posts

Leave a Reply

Your email address will not be published. Required fields are marked *

error: Content is protected !!