2009/10 season atanga chhutin Europe top 5 League atang Man of the Match award dawng tam player 5

Europe Top 5 leagues club zawng zawngte hian superstar an nei deuh fur a, Superstar thenkhatte phei chu vawiin ni thlengin an club tan an la khel a, thenkhatte erawh club dang tan an khel leh tawh.

Engpawhnise, tun tumah hian 2009/10 season atanga chhutin Europe Top 5 leagues a Man of the Match (MOT) dawng hnem zual Player top 5 te kan rawn tarlang ve leh e.

5. Zlatan Ibrahimovic – Ligue 1 – 42

Zlatan Ibrahimovic

Kum 2016 khan Zltan Ibrahimovic chuan Paris Saint-Germain a chhuah a, Ligue 1 lama hun a hman chhung khan a che tha hle a, Man of the Match awards vawi 42 lai a dawng a ni.

PSG ah khan season 4 chiah hun a hmang hman a, mahse, player tha ber pakhat leh star langsar tak pakhat a nih zia chu hai rual a ni lo.

4. Alejandro Gomez – Serie A – 38

Alejandro Gomez

Alejandro Gomez emaw Papu Gomez tia hriat a ni, tun hnaia midfielder tha ber pakhat a ni. Kum 33 a upa hian kum 2014 khan Atalanta a zawm a, Man of the Match awards vawi 38 lai a dawng hman a ni. Vawiin ni thlengin player pawimawh tak pakhat a la ni.

3. Marco Reus – Bundesliga – 48

Marco Reus

A generation-ah Marco Reus hi German player talent nei tha tak pakhat a ni a, 2009/10 season atangin Bundesliga-ah hian a khel tawh a, Man of the Match vawi 48 lai a dawng tawh a ni.

Kum 32 a upa Marco Reus hian hliam neilo chu ni se, vawiin ah hian a dinhmun a san zawk a rinawm. Hliam hi a nei zing malh malh thei khawp mai.

2. Eden Hazard – Premier League – 62

FBL-EUR-C3-CHELSEA-ARSENAL-FINAL-TROPHY

Premiere League hi khawvel league harsa ber anga sawi a ni. Vawiin ni thlengin Eden Hazard hi Man of the Match award dawng hnem ber ala ni. Kum 2019 khan Stamford Bridge chhuahsanin Real Madrid a pan.

Real Madrid lamah hian duh angin a che tha lem lo hle, season thar lamah hian beisei a pha thei ang em?

1. Lionel Messi – LaLiga – 222

Lionel Messi

FC Barcelona sueprstar Lionel Messi hian a career zawng zawng Barca tan a la hmang a, khawvel player tha ber leh ropui ber pakhat a ni. Tunah hian Ballon d’Or vawi 6 dawng tawhin, Ballon d’Or history-ah dawng hnem ber a ni mek.

La Liga game a khelh tawh chinah Man of the Match vawi 222 lai a dawng tawh a ni. Dawn belh theihna hun ala nei nual dawn.

Source SB

Related Posts

Leave a Reply

Your email address will not be published. Required fields are marked *

error: Content is protected !!